ກອງທັບຣັດເຊຍ ໄດ້ຮັບລົດຕິດຕັ້ງປືນໃຫ່ຍ Floks ລຸ້ນຫຼ້າສຸດ
ສຳນັກຂ່າວ RIA Novosti ຂອງຣັດເຊຍ ລາຍງານໃນວັນທີ 10 ຕຸລາ ຜ່ານມານີ້ວ່າ: ກຸ່ມບໍລິສັດ Rostec ຂອງຣັດເຊຍ ໄດ້
ເລີ່ມສົ່ງມອບປືນໃຫ່ຍເຄື່ອນທີ່ຊຸດທຳອິດ Floks ຂອງການຍົກລະດັບຕິດຕັ້ງໃສ່ລົດລາກແກ່ພ້ອມດ້ວຍປືນຂະໜາດ 120ມມ ໃຫ້
ແກ່ກອງທັບຣັດເຊຍ.
ກຸ່ມບໍລິສັດ Rostec ໄດ້ເສີມສ້າງຄວາມທົນທານດ້ານໃນຂອງລົດ ເພື່ອຮັບປະກັນຄວາມເສຍຫາຍຈາກການຖືກໂຈມຕີ, ເພີ່ມ
ຄວາມປອດໄພໃນເວລາເດີນທາງ. ນອກນັ້ນ, ຍັງໄດ້ປັບປຸງຫ້ອງບັນຈຸລູກປືນໃຫ້ໄດ້ຫຼາຍຂຶ້ນເພື່ອຄວາມພ້ອມໃນການຕໍ່ສູ້ ແລະ ຄວາມ
ປອດໄພໃນການຕໍ່ສູ້. ເຊິ່ງຖືກພິຈາລະນາໂດຍຜູ້ຊ່ຽວຊານ ຣັດເຊຍຫຼາຍຄົນວ່າມີທ່າແຮງທີ່ຈະກາຍເປັນອາວຸດທີ່ສຳຄັນໃນການຕໍ່ສູ້ທາງ
ບົກ. ສາມາດຍິງລູກປືນໄດ້ຫຼາຍປະເພດ, ລວມທັງລູກປືນທີ່ມີແຮງແຕກເປັນວົງກ້ວາງ, ຍັງສາມາດຍິງລູກປືນຄົກ 120ມມ ດ້ວຍໄລຍະ
ສູງສຸດ 7.5 ກິໂລແມັດ, ບັນຈຸລູກປືນ 80 ລູກ, ໃນນັ້ນມີ 28 ລູກພິເສດຖືກຕິດຕັ້ງຢູ່ເທິງຕົວລົດບັນທຸກລໍ້ 6x6 Ural-4320 ໃຊ້ເຄື່ອງ
ຈັກກາຊວນ ມີກຳລັງ 300 ແຮງມ້າ ມີ 5 ເກຍ, ຄວາມໄວສູງສຸດ 75 ກິໂລແມັດຕໍ່ຊົ່ວໂມງຂອງໄລຍະການໃຊ້ງານສູງສຸດ 1,000 ກິ
ໂລແມັດ.
ນອກຈາກນີ້, ຫ້ອງໂດຍສານຂອງລົດບັນທຸກ Ural-4320 ແມ່ນຫຸ້ມເກາະສາມາດປ້ອງກັນທີມຂັບໃນເວລາສູ້ຮົບຈາກການໂຈມຕີ
ດ້ວຍອາວຸດນ້ອຍ ແລະ ປືນໃຫຍ່ຂອງຝ່າຍກົງກັນຂ້າມ. ສ່ວນຫ້ອງຖົງຂອງລົດແມ່ນຫຸ້ມເກາະ ສາມາດທົນຕໍ່ແຮງດັນຂອງລະເບີດທີ່ມີກຳ
ລັງແຮງທຽບເທົ່າກັບລະເບີດ TNT 2 ກິໂລ ພ້ອມນັ້ນ ຍັງຖືກອອກແບບທີ່ມີການສະຫນອງພະລັງງານອັດຕະໂນມັດ ແລະ ສາມາດເກັບ
ຮັກສາພະລັງງານໄດ້ດີ.
ແຫຼ່ງທີ່ມາ: ໜັງສືພິມກອງທັບ
ວັນທີ 16/10/2023